16 чэрвеня 2023 года на платформе «Мой горад» з'явіўся горад Свіслач Гродзенскай вобласці. Цяпер жыхары гэтага раённага цэнтра могуць аператыўна даведвацца пра важныя навіны, падзеі, акцыі і зніжкі, а таксама карыстацца рознымі сэрвісамі.

У мабільным дадатку «Мой горад» ужо прадстаўлены практычна ўсе арганізацыі, структураваныя па сваёй дзейнасці:

• адміністрацыя горада;
• адукацыя;
• здароўе і спорт;
• адпачынак і турызм;
• паслугі.
   

У кожнай арганізацыі ёсць свая старонка, на якой размешчана інфармацыя аб рэжыме працы, таварах і паслугах, кантактныя даныя, акцыі і скідкі. Жыхары могуць запісацца на прыём да кіраўніка ўстановы, задаць пытанне і атрымаць адказ, купіць тавар анлайн, даведацца пра рэжым працы магазінаў, банкаў і кафэ, выклікаць аварыйную брыгаду, заказаць талон у паліклініку або забраніраваць столік у рэстаране. Функцыянал рэсурсу вельмі шырокі і ўвесь час развіваецца.

Дадатак «Мой горад» з'яўляецца зручным інструментам для жыхароў і гасцей горада. Гэта сапраўдны навігатар па славутасцях, музеям, паркам, рэстаранам і іншым аб'ектам, які паказвае іх размяшчэнне на карце і які прадстаўляе падрабязную інфармацыю. Дзякуючы гэтаму дадатку, карыстальнікі могуць лёгка арыентавацца ў горадзе і знаходзіць цікавыя месцы для наведвання. Спампаваць і ўсталяваць «Мой горад» можна бясплатна ў AppStore і Google Play.

У напаўненні платформы могуць узяць удзел розныя суб'екты гаспадарання. Для ўдзелу неабходна пакінуць заяўку на сайце: moygorod.by або звярнуцца ў сэрвісны цэнтр РУП «Белтэлекам»: г. Свіслач, вул. Леніна, 6, тэл.: +375-1513-33240, m_svs@grodno.beltelecom.by.

Ініцыятыва распрацавана ў рамках Дзяржаўнай праграмы «Лічбавае развіццё Беларусі» і накіравана на павышэнне камфорту і якасці жыцця гараджан.

​