18 студзеня 2024 года ў РУП «Белтэлекам» адбыўся адзіны дзень інфармавання на тэму «Год якасці – залог поспеху сацыяльна-эканамічнага развіцця краіны». У фармаце відэа- і аўдыёканферэнцыі да мерапрыемства далучыліся ўсе структурныя падраздзяленні.

Перад працоўным калектывам прадпрыемства выступіў Андрэй Пілюцік, намеснік дырэктара Інстытута эканомікі Нацыянальнай Акадэміі навук Беларусі.

У ходзе абмеркавання асаблівая ўвага была ўдзелена павышэнню якасці прадукцыі. Акрамя таго, абмяркоўваліся пытанні якасці спажывецкіх тавараў, сродкаў вытворчасці, сельскагаспадарчай прадукцыі, будаўнічых збудаванняў і іншых прадуктаў працы чалавека, а таксама эфектыўнай працы ў цэлым.

Сустрэча прайшла ў форме адкрытага дыялога, дзе кожны з прысутных меў магчымасць задаць пытанні і атрымаць на іх падрабязныя адказы. Гэта стала выдатнай магчымасцю для работнікаў прадпрыемства даведацца больш аб бягучай сітуацыі і абмеркаваць свае пытанні з экспертам.

Адзіны дзень інфармавання праводзіцца раз на месяц па чацвяргах. Мэта такіх мерапрыемстваў – пашырэнне ведаў насельніцтва аб палітычных і сацыяльна-эканамічных падзеях у краіне, дыскусія па праблемах развіцця сучаснага грамадства, адказы на пытанні рознага характару.