Яшчэ два гарады Віцебскай вобласці далучыліся да мабільнага дадатку «Мой горад (Беларусь)».

Мёры і Верхнядзвінск аблічбавалі сваю інфраструктуру, падаўшы мясцовым жыхарам просты і зручны доступ да ўсіх паслуг і сэрвісаў. Цяпер інавацыйная платформа ахоплівае 18 лакацый рэгіёну.

«Мой горад» – гэта мабільнае прыкладанне, якое дапаможа быць у курсе ўсіх падзей і магчымасцяў горада. Тут сабрана самая патрэбная інфармацыя – ад навін да вакансій і скідак.

З дапамогай лічбавага рэсурсу жыхары атрымалі доступ да дзяржаўных арганізацый, установаў аховы здароўя і адукацыі, спартыўных і культурных аб'ектаў. Усе яны структураваны па відах дзейнасці: адміністрацыя, актыўны адпачынак і турызм, здароўе і спорт, паслугі і інш.

Для кожнага горада ствараецца асобны дадатак з унікальнымі дадзенымі. Яго функцыянал дазваляе таксама пакідаць водгукі і прапановы, што дапамагае паляпшаць якасць паслуг і павялічваць узровень камунікацыі паміж гараджанамі і органамі ўлады.

Зразумелы інтэрфейс і хуткі пошук інфармацыі робяць дадатак максімальна карысным для камунікацыі са ўсёй гарадской экасістэмай. Акрамя таго, рэсурс дапаможа зэканоміць час, адкрываючы доступ да ўсіх паслуг у адным дадатку.

«Мой горад» – гэта яшчэ і сапраўдны віртуальны гід. Дзякуючы раздзелу «Турызм Беларусі – Васільковы край» можна пазнаёміцца з мясцовымі славутасцямі і прадумаць маршрут падарожжа.

Дадатак «Мой горад (Беларусь)» даступны для запампоўкі ў App Store і Google Play.

У напаўненні платформы могуць узяць удзел розныя суб'екты гаспадарання. Для ўдзелу неабходна пакінуць заяўку на сайце: moygorod.by ці звярнуцца ў сэрвісны цэнтр «Белтэлекам».

У бліжэйшы час дадатак папоўніцца новымі гарадамі. Сачыце за навінамі!

Ініцыятыва распрацавана ў рамках Дзяржаўнай праграмы «Лічбавае развіццё Беларусі» і накіравана на павышэнне камфорту і якасці жыцця гараджан.

​