Мінскі філіял "Белтэлекам" і Жодзінскі гарадскі выканаўчы камітэт заключылі Мемарандум аб супрацоўніцтве.

7 чэрвеня дакумент падпісалі Уладзімір Шынкарэвіч, дырэктар Мінскага філіяла РУП "Белтэлекам", і Дзмітрый Заблоцкі, старшыня Жодзінскага гарадскога выканаўчага камітэта.

Горад Жодзіна стане адным з першых у рэспубліцы, дзе з'явяцца "разумныя прыпынкі". Гэта значна павысіць камфорт, зручнасць і бяспеку мясцовых жыхароў. Сучасныя прыпынкі на асноўных маршрутах горада будуць абсталяваны бясплатным Wi-Fi, сэнсарным інфармацыйным дысплеем, які дазволіць гараджанам вывучаць расклад транспарту, а таксама карыстацца дадаткам "Мой горад". Сачыць за бяспекай будзе камера "Відэакантролю".

Упершыню "Белтэлекам" прэзентаваў канцэпт "разумнага прыпынку" на выставе TIBO-2023. Прыемна адзначыць, што ўсяго праз год ідэя атрымала сваё практычнае ўвасабленне.

"Белтэлекам" і Жодзінскі гарвыканкам звязвае шматгадовае плённае супрацоўніцтва. У 2022 годзе Жодзіна стаў першым горадам у Мінскай вобласці, які з'явіўся ў мабільным дадатку "Мой горад (Беларусь)".

Бакі выказалі ўпэўненасць, што заключаны мемарандум дасць новы імпульс сумеснай рабоце ў сферы інавацый. Узаемадзеянне ў рамках дакумента будзе накіравана, у першую чаргу, на ўкараненне і развіццё тэхналогій "разумных гарадоў", падтрымку і сумеснае выкананне інавацыйных праектаў у розных сферах эканомікі - адукацыі, аховы здароўя, сельскай гаспадарцы, прамысловасці і транспарце, жыллёва-камунальнай гаспадарцы, культуры і турызме.

Падпісвайцеся на наш Тэлеграм-канал, каб быць у курсе ўсіх навін і абнаўленняў!