Пачатак ліпеня для кампаніі «Белтэлекам» адзначаны адкрыццём двух новых аб'ектаў: у г. Віцебску з'явіўся «разумны» прыпынак, а ў г. Жабінцы Брэсцкай вобласці расчыніў свае дзверы абноўлены сэрвісны цэнтр.

У самым цэнтры Віцебска, каля Летняга амфітэатра, устаноўлены «разумны» прыпынак – гэта сумесны праект Віцебскага філіяла «Белтэлекам» і ААТ «Віцязь». Лічбавыя сэрвісы, якімі абсталяваны павільён, зробяць жыццё гараджан яшчэ больш камфортным.

«Разумны» прыпынак – гэта:

• лічбавая платформа «Мой горад», дзе прадстаўлены ўсе гарадскія арганізацыі і іх паслугі;
• інтэрактыўныя панэлі з навінамі, рэкламай і актуальным раскладам транспарта;
• Яндэкс Карты, якія дапамогуць выбраць патрэбны маршрут;
• зарадка для гаджэтаў.

Аналагічныя прыпыначныя пункты на Віцебшчыне працуюць ужо ў Оршы і Глыбокім. «Белтэлекам» і надалей плануе развіваць гэты перспектыўны праект.

З 10 ліпеня ў Жабінцы працуе абноўлены сэрвісны цэнтр «Белтэлекам». У выніку карпатлівай працы каманды прафесіяналаў прастора цэнтра значна змянілася, стала камфортнай і сучаснай.

У сэрвісным цэнтры можна:

• падключыць увесь спектр паслуг – ад тэлефона і інтэрнэту да відэакантролю;
• атрымаць падрабязную інфармацыю аб характарыстыках і функцыянале кожнага сэрвісу;
• пазнаёміцца з папулярнымі сцэнарыямі выкарыстання паслуг;
• атрымаць кваліфікаваную кансультацыю і дапамогу ў выбары аптымальнага рашэння.

«Белтэлекам» прапануе больш за 100 паслуг і вялізны выбар тавараў. Прыходзьце ў новы сэрвісны цэнтр «Белтэлекам» і выбірайце!

Больш навін і відэа з адкрыцця «разумнага» прыпынку і сэрвіснага цэнтра – у нашым Тэлеграм-канале. Падпішыцеся, каб быць у курсе!