Старшыня Гомельскага гарадскога выканаўчага камітэта Прывалаў У.А. уручыў дырэктару Гомельскага філіяла РУП "Белтэлекам" Дзям'янчыку С.Я. падзячны ліст калектыву філіяла за высокі прафесіяналізм, плённую працу і значны ўклад у падрыхтоўку і правядзенне святочных мерапрыемстваў, прысвечаных Дню горада і XI Міжнароднаму фестывалю харэаграфічнага мастацтва "Сожскі карагод".

Падзячныя лісты і падзякі былі ўручаны кіраўнікам адміністрацый, прадпрыемстваў і арганізацый, аддзелаў і ўпраўленняў, рэдакцый СМІ горада Гомеля, а гэта значыць, словы ўдзячнасці адрасуюцца і калектывам, якія стаяць за імі.

— Шчыра дзякую за ўвагу да нашага прыгожага горада і за жаданне зрабіць яго яшчэ лепшым, — адзначыў старшыня Гомельскага гарвыканкама Уладзімір Прывалаў.