У Год добраўпарадкавання «Белтэлекам» дэманструе комплексны падыход да стварэння сучаснага і камфортнага асяроддзя. Супрацоўнікі кампаніі па ўсёй рэспубліцы актыўна ўдзельнічаюць у маштабных мерапрыемствах па навядзенні парадку, азеляненні і добраўпарадкаванні.

Калектывы ўсіх філіялаў «Белтэлекама» падтрымалі традыцыйныя вясновыя і восеньскія акцыі па аднаўленні лясоў. Толькі сёлета нашыя калегі высадзілі тысячы маладых дрэў, каб агульнымі намаганнямі захаваць і прымножыць прыроднае багацце краіны.

Асаблівую ўвагу кампанія надае стварэнню сучаснай інфраструктуры для кліентаў і супрацоўнікаў. «Белтэлекам» працягвае абнаўляць свае аб'екты і адчыняць сучасныя офісы продажаў. Новыя офісы, выкананыя ў адзіным фірмовым стылі і якія адпавядаюць сучасным стандартам абслугоўвання, падаюць кліентам максімальна камфортныя ўмовы для атрымання ўсяго спектра паслуг сувязі. Такія функцыянальныя офісы ўжо адкрыты ў Гомелі, Магілёве, Мінску, Ганцавічах і іншых гарадах.

У рамках акцыі «Свята нашага двара разам з ЯСНА» «Белтэлекам» устанаўлівае новыя спартыўна-гульнявыя комплексы «ЯСНА». У гэтым годзе сучасныя пляцоўкі для актыўнага адпачынку з'явіліся ў Кобрыне, Бабруйску, Івацэвічах, Жодзіне, Расонах, Браславе, Смаргоні, Рэчыцы, Мінску і іншых населеных пунктах.

Яшчэ адна традыцыя кампаніі – удзел у стварэнні унікальнага аблічча беларускіх гарадоў. Арыгінальныя арт-аб'екты, лаўкі і малыя архітэктурныя формы ўпрыгожваюць месцы адпачынку і робяць гарады яшчэ больш прывабнымі і ўтульнымі для жыхароў і гасцей.

З асаблівай павагай калегі даглядаюць месцы пахаванняў воінаў-сувязістаў, якія загінулі ў гады Вялікай Айчыннай вайны. Гэта даніна памяці і падзякі тым, хто аддаў жыццё за свабоду і мірнае неба над нашай краінай.

У Год добраўпарадкавання мы аб'ядноўваем намаганні, каб разам ствараць камфорт, утульнасць і парадак у сваіх родных гарадах!