Для папулярызацыі прафесій галіны "Сувязь" у Гомельскім філіяле працягваецца рэалізацыя адукацыйна-асветніцкага праекта"прафарыентацыйныя экскурсіі-прафесіі нашых бацькоў". У рамках праекта 17.02.2026 наведалі навучэнцы сярэдняй школы 73 г. Гомеля.

Гомельскі філіял правёў для навучэнцаў старэйшых класаў ДУА "Сярэдняя школа №73 г. Гомеля" аглядную экскурсію, якая распавядае аб прафесіях галіны сувязі. Школьнікі наведалі экспазіцыю гісторыка-інфармацыйнага цэнтра сувязі Гомельскага філіяла, дзе прадстаўлены: тэлеграфны апарат Морзэ (самы каштоўны экспанат), тэлефонныя апараты і іншая тэхніка. 

Работнікі філіяла распавялі дзецям гісторыю развіцця сувязі ў Гомельскай вобласці. Навучэнцы ўбачылі і сучаснае абсталяванне, якое забяспечвае паслугамі сувязі Гомельскую вобласць (доступ у Інтэрнэт, тэлебачанне, Тэлефанія, іншыя сэрвісы). Таксама хлопцы азнаёміліся з умовамі актыўнага адпачынку пасля працы на прадпрыемстве і наведалі трэнажорную залу філіяла. 

У офісе продажаў школьнікаў азнаёмілі з паслугамі, сэрвісамі і тэхнікай у растэрміноўку ад кампаніі "Белтэлекам". Таксама дзеці паўдзельнічалі ў тэматычнай віктарыне па бяспецы ў сетцы Інтэрнэт. Школьнікі атрымалі новыя веды аб прафесіях у галіне сувязі, пазітыўныя эмоцыі і прыемныя прызы ад кампаніі «Белтэлекам».