18 ліпеня ў Іванаве прайшлі ўрачыстасці, прысвечаныя Дню горада. РУП «Белтэлекам» выступіў адным з актыўных удзельнікаў мерапрыемства, арганізаваўшы ўласную выставачную і забаўляльную зону.

Што ўбачылі госці:

• Выставу тэлефонных апаратаў - ад вінтажных мадэляў да сучасных прылад.

• Прэзентацыю новай бытавой тэхнікі і электронікі з магчымасцю набыцця ў бяспрацэнтную растэрміноўку.

Для кліентаў і простых гледачоў правялі інтэлектуальную віктарыну. Пытанні былі прысвечаныя гісторыі сувязі і лічбавым тэхналогіям. Пераможцы і проста актыўныя ўдзельнікі атрымалі эксклюзіўныя брэндаваныя падарункі ад «Белтэлекама», якія надоўга нагадаюць пра святочны дзень.

Яркая і пазнавальная пляцоўка «Белтэлекама» стала адной з прыкметных падзей Дня горада, пацвердзіўшы рэпутацыю кампаніі як надзейнага партнёра і цэнтра прыцягнення для жыхароў Іванава.