Сёння на базе сучаснага тэхнапарка горада Брэста стартаваў Рэспубліканскі карпаратыўны конкурс прафесійнага майстэрства "Магістральныя лініі сувязі. Будаўніцтва і эксплуатацыя ВАЛС-2026". Маштабная галіновая падзея аб'яднала лепшых спецыялістаў РУП "Белтэлекам", каб прадэманстраваць высокі ўзровень кампетэнцый у галіне будаўніцтва і абслугоўвання валаконна-аптычных ліній сувязі. Тэхнапарк Брэста быў абраны пляцоўкай для спаборніцтваў не выпадкова. Гэта прастора, дзе перадавыя тэхналогіі сустракаюцца з інжынерным мастацтвам, што ідэальна адпавядае духу конкурсу. На працягу некалькіх дзён удзельнікам трэба будзе прайсці сур'ёзныя выпрабаванні, даказваючы сваё права называцца лепшымі ў прафесіі. З прывітальным словам да прысутных звярнуліся ключавыя фігуры галіны. Дырэктар Брэсцкага філіяла Алег Цiуля падкрэсліў стратэгічную важнасць надзейных магістральных сетак для лічбавай эканомікі краіны і пажадаў канкурсантам паспяховага пераадолення ўсіх этапаў. Намеснік старшыні первiчнай прафсаюзнай арганізацыі РУП "Белтэлекам" Марына Цапікава адзначыла высокую значнасць падобных мерапрыемстваў для павышэння прэстыжу рабочых прафесій і абмену вопытам паміж пакаленнямі сувязістаў. "Няхай пераможа наймацнейшы, а кожны ўдзельнік панясе з сабой не толькі ўзнагароды, але і новыя ідэі, каштоўныя веды і прафесійныя кантакты», — адзначылі арганізатары, адкрываючы спаборніцкі дзень. Мы назiраем за ходам спаборніцтваў і жадаем усім удзельнікам яркіх выступленняў, вытрымкі і заслужаных перамог!