Багданава Ульяна - інжынер электрасувязі ўчастка тэхнічнай падтрымкі абанентаў (служба 123).

Ульяна адданаясваёй прафесіі: у сферы сувязі яна працуе з 2006 года! Кожны дзень дапамагае сотням абанентаў аператыўна вырашаць тэхнічныя пытанні і не толькі.

Дарэчы, сувязь для Ульяны-справа па-сапраўднаму сямейная. У адным аддзеле з ёй, плячом да пляча, працуе яе муж.

Працяг дынастыі
Ульяна-выдатная мама дваіх дзяцей. Сёлета ў сям'і адбылася знакавая падзея: сын Улад паступіў у Віцебскі філіял установы адукацыі «Беларуская дзяржаўная акадэмія сувязі». А гэта значыць, што прафесійная дынастыя сувязістаў ўпэўнена працягваецца!

Рэцэпт гармоніі і натхнення
Як сумяшчаць адказную працу і заставацца яркай жанчынай? Ульяна ведае сакрэт:
- Актыўнасць: рэгулярна трэніруецца ў трэнажорнай зале.
- Утульнасць: любіць рыхтаваць і радаваць блізкіх кулінарнымі шэдэўрамі.
- Прыгажосць: прафесійна захапляецца развядзеннем хатніх кветак.

Увесь вольны час вялікая і дружная сям'я Ульяны праводзіць разам. Яны збіраюцца з бабулямі і дзядулямі ў бацькоўскай хаце на прыродзе, дзе аднаўляюць сілы і дораць адзін аднаму цяпло.

Ганарымся такімі натхняльнымі, таленавітымі і адданымі справе жанчынамі ў нашай камандзе!