З работай абноўленага сэрвіснага цэнтра азнаёміўся міністр сувязі і інфарматызацыі Рэспублікі Беларусь Канстанцін Шульган падчас наведвання Брэсцкага філіяла РУП "Белтэлекам". Міністр ацаніў зручнасць абслугоўвання на новых працоўных месцах, сучаснае абсталяванне, тэхналогіі, якія выкарыстоўваюцца ў цэнтры, пагутарыў з супрацоўнікамі, якія распавялі пра перавагі новых рашэнняў.

Канстанцін Канстанцінавіч адзначыў важнасць развіцця інфраструктуры сувязі і падкрэсліў неабходнасць забеспячэння высокай якасці паслуг для насельніцтва. Ён таксама выказаў упэўненасць у тым, што абноўлены сэрвісны цэнтр будзе спрыяць павышэнню ўзроўню абслугоўвання абанентаў і развіццю тэлекамунікацыйнай галіны ў рэгіёне.