18 ліпеня ў Маларыце з размахам прайшоў яркі фестываль «Ягаднае сузор’е», прымеркаваны да Дня горада. Святочныя мерапрыемствы разгарнуліся ў гарадскім парку, дзе для жыхароў і гасцей раённага цэнтра працавалі інтэрактыўныя пляцоўкі, гандлёвыя павільёны, «Горад майстроў» і тэматычныя фотазоны.

Брэсцкі філіял РУП «Белтэлекам» выступіў актыўным удзельнікам мерапрыемства. На нашай лакацыі ўсе жадаючыя маглі пазнаёміцца з сучаснымі паслугамі сувязі і навейшай тэхнікай, якую можна набыць у растэрміноўку на выгадных умовах. Спецыялісты кампаніі з задавальненнем кансультавалі гасцей, дапамагалі з выбарам аптымальных тарыфных планаў і сэрвісаў.

Асаблівую цікавасць у наведвальнікаў выклікала займальная віктарына. Самыя эрудыраваныя ўдзельнікі атрымалі памяцныя сувеніры з лагатыпам «Белтэлекам».

Юныя госці свята таксама не засталіся без увагі: для іх быў арганізаваны яркі аквагрым. З дапамогай бяспечных фарбаў аніматары ператваралі твары дзяцей у любімых персанажаў, даруючы ім мора ўсмешак і выдатны настрой.

Удзел у такіх значных для рэгіёна мерапрыемствах дазваляе «Белтэлекаму» заставацца на сувязі са сваімі абанентамі, дарыць станоўчыя эмоцыі і пацвярджаць статус надзейнага партнёра.