1 верасня ў мабільным дадатку "Мой горад (Беларусь)" з'явіўся новы горад - Рэчыца.
У гэтую суботу, 2 верасня ў горадзе Рэчыцы, Гомельскі філіял РУП "Белтэлекам" прэзентаваў дваццаты горад у краіне і трэці ў Гомельскай вобласці ў мабільным дадатку "Мой горад".
Запуск сэрвісу стаў выдатным падарункам да Дня горада дзякуючы ўзаемадзеянню Рэчыцкага раённага выканаўчага камітэта з "Белтэлекамам".
У дзве гадзіны дня свята горада Рэчыца адкрылася святочным шэсцем працоўных калектываў і арганізацый Рэчыцкага раёна, у калоне, разам з супрацоўнікамі «Белтэлекам», ішлі артысты-хадулісты са сцягамі кампаніі.
Працягнулі сваю працу хадулісты каля прома-кропкі "Белтэлекам" на Цэнтральнай плошчы Рэчыцы, выклікаўшы ажыятаж сярод гасцей свята. Усе хацелі сфатаграфавацца з нашымі артыстамі.
У гонар гэтай падзеі наша кампанія падрыхтавала для гасцей свята выступ гурта Jazz City Band, фаер-шоу і арганізавала працу спецыяльнай прамазоны. Па традыцыі, тут прадстаўлены актуальныя сервісы і паслугі прадпрыемства. Працавала і забаўляльная праграма - самыя актыўныя яе ўдзельнікі атрымалі прызы і падарункі.
Побач з палаткай "Белтэлекам" была ўстаноўлена фотазона "Мой горад Рэчыца", з магчымасцю зрабіць фота. Кожны, хто скачаў дадатак «Мой горад» і размясціў фатаграфію пра гэта ў сацыяльных сетках атрымаў сувенір ад кампаніі «Белтэлекам».
_____________________________________________________________________
«Мой горад» – платформа, якая ўяўляе сабой аблічбаваны каталог арганізацый з доступам карыстальнікаў да анлайн-сэрвісаў (заказы, пакупкі, дастаўка і інш.). Гэта своеасаблівая "вітрына" прадпрыемстваў і арганізацый горада, магчымасць рэкламы і прасоўванні сваіх паслуг.
Цяпер у жыхароў Рэчыцы з'явіўся зручны доступ да мясцовай інфраструктуры - самых папулярных паслуг і сэрвісаў.
Бо ў мабільным дадатку сабраны самыя патрэбныя звесткі аб большасці кампаній:
- кантакты і рэжым працы;
– актуальная інфармацыя аб таварах і паслугах, акцыях і скідках;
– апошнія навіны і прапановы;
- афіша гарадскіх мерапрыемстваў і многае іншае.
______________________________________________________________________
Трохі статыстыкі працы прыкладання "Мой горад - Рэчыца":
Рэчыца - дваццаты, юбілейны горад у дадатку "Мой горад" у краіне і трэці ў Гомельскай вобласці.
У горадзе Рэчыцы, за час прэзентацыі, ужо каля 300 чалавек спампавалі дадатак "Мой горад", было здзейснена каля 1600 праглядаў арганізацый, унесеных у дадатак.
На першым месцы па наведвальнасці - кафэ і рэстараны горада Рэчыцы,
на другім месцы арганізацыі са сферы паслуг,
на трэцім - медыцынскія цэнтры.
______________________________________________________________________
Спампаваць прыкладанне можна цалкам бясплатна на Android і iOS.
______________________________________________________________________
На свяце горада ў Рэчыцы, падчас якога праходзіла прэзентацыя дваццатага ў краіне і трэцяга ў Гомельскай вобласці горада ў дадатку "Мой горад" працавала здымачная група тэлеканала "ЯСНАе TV".
Рэпартаж з месца падзей глядзіце ў праграме "Час высокіх тэхналогій" у гэтую пятніцу, 08.09.2023, на тэлеканале "ЯСНАе TV" у 21:00.
