Ключавой тэмай сустрэчы стала абмеркаванне вынікаў камерцыйнай дзейнасці філіяла за 1-ы квартал бягучага года, разгляд праблемных пытанняў і задач на 2-і квартал і 2025 год.
У ходзе нарады быў праведзены дэталёвы аналіз фактараў, якія ўплываюць на выкананне мэтавых паказчыкаў, а таксама разгледжаны вынікі працы структурных падраздзяленняў, якія адказваюць за продаж. Асаблівая ўвага была ўдзелена абмеркаванню пытанняў планавання і эфектыўнага кіравання персаналам службаў продажаў.
Удзельнікі нарады абмяняліся думкамі па актуальных пытаннях, выпрацавалі сумесныя рашэнні для павышэння эфектыўнасці работы і намецілі канкрэтныя крокі па дасягненні пастаўленых мэт на наступны год.
Сярод асноўных задач, якія стаяць перад Брэсцкім філіялам на 2025 год, былі пазначаныя:
* Павелічэнне аб'ёмаў продажаў ключавых паслуг кампаніі, уключаючы высакахуткасны Інтэрнэт, інтэрактыўнае тэлебачанне і пакетныя прапановы.
* Павышэнне якасці абслугоўвання кліентаў і ўзроўню іх задаволенасці.
* Аптымізацыя працэсаў продажаў і ўкараненне новых эфектыўных інструментаў.
* Развіццё прафесійных кампетэнцый персаналу службаў продажаў.
Другі дзень нарады праведзены ў фармаце трэнінгу, асноўная мэта якога-навучанне кіраўнікоў службаў продажаў пытанням арганізацыі продажаў паслуг і тавараў у новых гандлёвых аб'ектах beltelecom.shop.
Кіраўніцтва філіяла выказала ўпэўненасць у тым, што дзякуючы сумесным намаганням і зладжанай рабоце калектыву, пастаўленыя задачы будуць паспяхова выкананы, што дасць магчымасць умацаваць пазіцыі Брэсцкага філіяла на тэлекамунікацыйным рынку рэгіёна.
Нарады падобнага фармату з'яўляюцца важнай часткай працы РУП "Белтэлекам" і дазваляюць аператыўна рэагаваць на змены рынку, знаходзіць аптымальныя рашэнні і забяспечваць устойлівае развіццё кампаніі.
