Сезон выставачных мерапрыемстваў "Белтэлекам" па традыцыі пачынае з Міжнароднай архітэктурна-будаўнічай выставы BUDEXPO. У гэтым годзе яна пройдзе ў Мінску з 27 па 29 сакавіка.
Ужо ў 26-ы раз BUDEXPO аб'яднае лідэраў будаўнічай індустрыі, якія прадэманструюць свае дасягненні ў самых розных кірунках - ад інструментаў і тэхнікі да актуальнай архітэктуры і камфортнага жылля. Вядучыя беларускія кампаніі і замежныя партнёры абмяняюцца вопытам, абмяркуюць трэнды і інавацыі ў будаўніцтве, прэзентуюць свае паслугі і прадукцыю патэнцыйным партнёрам і кліентам.
"Белтэлекам" прадставіць гасцям і ўдзельнікам BUDEXPO уласную экспазіцыю, аснову якой складуць комплексныя лічбавыя праекты для эфектыўнага бізнесу і камфортнага пражывання.
Адзін з паспяховых кейсаў кампаніі – «Відэакантроль». Гэта зручны спосаб падвышэння бяспекі і выдаленага кантролю за жылымі хатамі, офісамі ці прамысловымі памяшканнямі. Прадастаўляецца як цалкам гатовы сэрвіс - ад індывідуальнага запыту да поўнай рэалізацыі і тэхнічнай падтрымкі. На сваім смартфоне ці іншай прыладзе карыстач атрымлівае кругласутачны доступ да відэа з камер у рэжыме рэальнага часу або да запісаў архіва.
Актуальная прапанова ў вясновы час - «Відэакантроль дом лайт», тарыфны план для ўладальнікаў дач і прыватных дамоў (пры наяўнасці тэхнічнай магчымасці), якія хочуць арганізаваць відэаманіторынг ўнутры памяшкання або ў двары. Спецыялісты кампаніі правядуць абследаванне тэрыторыі прыватнага дома і прапануюць, дзе лепш устанавіць відэакамеры. Пасля ўзгаднення схемы іх размяшчэння будуць пракладзены неабходныя камунікацыі і ўстаноўлена абсталяванне для паслугі. У выпадку, калі ў жыхароў ужо ёсць уласная камера, але спатрэбіліся дадатковыя, усе прылады могуць быць аб'яднаны ў агульную сістэму відэакантролю з хмарным захоўваннем відэаінфармацыі.
Супрацоўнікі філіяла "Мінская гарадская тэлефонная сетка" пазнаёмяць наведвальнікаў выстаўкі з функцыяналам паслугі "Відэакантроль", дапамогуць ацаніць яе інтэрфейс, атрымаць кансультацыю і выбраць аптымальнае рашэнне.
На экспазіцыі таксама будуць дэманстравацца самыя запатрабаваныя рашэнні для карпаратыўнага сегмента: паслугі хостынгу, "Воблачная АТС", "Стварэнне і абслугоўванне лакальнай вылічальнай сеткі" і інш.
Аб усіх навінках і папулярных прапановах адмыслоўцы кампаніі раскажуць на выставе BUDEXPO-2024.
Мерапрыемства пройдзе ў выставачным цэнтры "БелЭкспа" па праспекце Пераможцаў, 14.
Да сустрэчы на BUDEXPO-2024!
