Мінскі філіял «Белтэлекам» прыняў удзел у святочным мерапрыемстве на Кургане Славы, прысвечаным 80-годдзю Перамогі савецкага народа ў Вялікай Айчыннай вайне!
Удзел ва ўрачыстым мерапрыемстве прыняў намеснік дырэктара па тэхнічных пытаннях Мінскага філіяла «Белтэлекам» Андрэй Аляксеевіч Нікіфараў.
У рамках мерапрыемства выставачны стэнд кампаніі наведаў старшыня Мінскага абласнога выканаўчага камітэта Аляксей Іванавіч Кушнарэнка. Андрэй Аляксеевіч асабіста прывітаў старшыню і прадставіў яму канцэпцыю выставачнага стэнда, які дэманструе эвалюцыю сувязі ад часоў Вялікай Айчыннай вайны да нашых дзён.
Два светы аб'ядналіся ў адной экспазіцыі:
Зона I. Рэха вайны: Радыёстанцыі, тэлефонныя апараты часоў Вялікай Айчыннай.
У гістарычнай частцы госці змаглі ўбачыць унікальныя экспанаты, даведацца больш падрабязна пра тэхналогіі сувязі часоў Вялікай Айчыннай вайны, пагартаць кнігі гонару, пачуць гісторыі герояў – сувязістаў і ацаніць мужнасць і гераізм людзей, якія забяспечвалі сувязь у цяжкіх умовах.
І, вядома, адчуць сябе сувязістам, патэлефанаваўшы па рэальным тэлефоне ваеннага часу.
Зона II. Сучасны «Белтэлекам».
Сёння «Белтэлекам» уяўляе сабой сучасную кампанію, якая дынамічна развіваецца і актыўна садзейнічае ўкараненню інавацыйных тэхналогій.
У сучаснай частцы спецыялісты прадстаўлялі паслугі і сэрвісы, расказвалі пра ўмовы рэалізацыі тавараў і навінкі кампаніі, а таксама адказвалі на любыя пытанні. У сучаснай частцы госці даведаліся ўсё пра найноўшыя тэхналогіі і магчымасці кампаніі.
Атмасфера выставачнага стэнда «Белтэлекам» была напоўнена цяплом, падзякай і пачуццём гонару за нашых герояў. Многія наведвальнікі адзначылі незабыўныя ўражанні ад мерапрыемства і высока ацанілі канцэпцыю стэнда, якая ўдала спалучае гістарычную памяць і сучасныя тэхналогіі.
