24 красавіка 2025 года правялі ўрок «Бяспечнага Інтэрнэту» ад «Белтэлекам» з навучэнцамі пятых класаў сярэдняй школы №5 горада Светлагорска.
Нашы спецыялісты, Алег Карагін і Наталля Процка, абмеркавалі з пяцікласнікамі самыя распаўсюджаныя пагрозы і небяспекі Інтэрнэту: шкоднасныя праграмы, кібербулінг, фішынг, вішынг, разам падсумавалі атрыманыя веды і вывелі пяць правілаў бяспечнай працы ў Інтэрнэт.
Акцэнтавалі ўвагу, як важна не дзяліцца асабістымі дадзенымі, такімі як адрас, нумар тэлефона або фінансавая інфармацыя, з незнаёмцамі. Патлумачылі хлопцам, як правільна наладжваць параметры прыватнасці ў сацыяльных сетках.
Юныя жыхары Светлагорска атрымалі не толькі каштоўныя веды, але і навучыліся выкарыстоўваць Інтэрнэт з розумам і адказнасцю, гэта сфармавала ў дзяцей навыкі бяспечнага выкарыстання Інтэрнэту.
