Сёння Міністр сувязі і інфарматызацыі Рэспублікі Беларусь Канстанцін Шульган здзейсніў рабочую паездку ў г. Быхаў Магілёўскай вобласці.
Міністр прыняў удзел у пасяджэнні Быхаўскага РВК, на якім былі разгледжаны пытанні аб пажарнай бяспецы, мерах яе ўмацавання і папярэджання гібелі людзей.
Далей Канстанцін Канстанцінавіч правёў прыём грамадзян і юрыдычных асоб з падключэннем "прамой тэлефоннай лініі" ў Быхаўскім РВК.
Наступным пунктам праграмы стала наведванне Аддзялення паштовай сувязі і мадэрнізаванага Сэрвіснага цэнтра "Белтэлекам" у г.Быхаве. "Абнаўленне Сэрвіснага цэнтра "Белтэлекам" праведзена з улікам забеспячэння безбар'ернага асяроддзя. Гэта дасць магчымасць забяспечыць больш высокі ўзровень сэрвісу і даступнасць паслуг для ўсіх жыхароў горада, незалежна ад іх фізічных магчымасцей", - расказаў Аляксандр Серакураў, начальнік Быхаўскага ўчастка электрасувязі.
На заканчэнне сваёй паездкі Канстанцін Шульган выказаў словы падзякі за ўклад у развіццё сферы сувязі ў Быхаўскім раёне. "Ваша няпростая і карпатлівая работа ляжыць у падмурку нашай агульнай мэты - зрабіць паслугі сувязі якаснымі і даступнымі для кожнага", - адзначыў Канстанцін Канстанцінавіч.
