Штогод кожны трэці чацвер лістапада ва ўсім свеце праводзіцца Адзіны дзень здароўя «Сусветны дзень некурэння. Прафілактыка анкалагічных захворванняў». З 13 па 19 лістапада 2023 года ў Беларусі пройдзе рэспубліканская інфармацыйна-адукацыйная акцыя па прафілактыцы тытунекурэння, як фактара рызыкі развіцця анкалагічных захворванняў.
Тытунекурэнне з'яўляецца адным з асноўных фактараў рызыкі развіцця анкалагічных захворванняў. Таму мэта акцыі – прыцягнуць увагу грамадскасці да праблемы тытунёвай залежнасці і папулярызацыі здаровага ладу жыцця. Даследаванні паказваюць, што ў пацыентаў, якія паляць, у параўнанні з тымi, якія не паляць, скарачаецца працягласць жыцця, узрастае рызыка рэцыдыву або ўзнікнення другой пухліны, зніжаецца эфектыўнасць лячэння і якасць жыцця. Спыненне курэння гарантуе зніжэнне захворвання.
Даследаванні таксама паказваюць, што пасіўнае курэнне таксама прадстаўляе пагрозу для здароўя, асабліва для дзяцей і цяжарных жанчын. Таму важна не толькі асабістае спыненне курэння, але і стварэнне бяздымнага асяроддзя для навакольных.
Міністэрства аховы здароўя Рэспублікі Беларусь вядзе пастаянную мэтанакіраваную работу па прафілактыцы спажывання тытунёвых вырабаў і хвароб, прычынна звязаных з тытунекурэннем. Гэта – і заканадаўчыя ініцыятывы, і інфармацыйна-адукацыйная праца з насельніцтвам, і дапамога ў адмове ад курэння.
Дадатковыя інфармацыйна-адукацыйныя матэрыялы размешчаны на інтэрнет-сайце ДУ «Рэспубліканскі цэнтр гігіены, эпідэміялогіі і грамадскага здароўя» (rcheph.by).
