У цяперашні час замест электронных пластыкавых карт (ЭПК) для карыстання таксафонамі на тэрыторыі Рэспублікі Беларусь у сэрвісных цэнтрах РУП «Белтэлекам» прадастаўляецца паслуга «Картачны рахунак» (КС) і рэалізуюцца сэрвісныя тэлефонныя карты (СТК). СТК можна набыць у аддзяленнях РУП «Белпошта» і кіёсках ДП «Мінсктранс».
З дапамогай КС ці СТК карыстальнік можа патэлефанаваць не толькі з любога тэлефона, але і з любога стацыянарнага тэлефона (у т.л. са свайго хатняга тэлефона). Адзначым, што пры карыстанні паслугай КС ці СТК устаўляць карту ў картапрыёмнік таксафона не патрабуецца.
Перавагі КС і СТК:
- адзіны па Рэспубліцы Беларусь скарочаны нумар доступу «176»;
- 30-секундная тарыфікацыя;
- кругласутачная служба сэрвіснай падтрымкі (тэл.: 8 805 100 4444).
Асноўная перавага КС перад ЭПК і СТК заключаецца ў тым, што «Картачны рахунак» карыстальнік можа папаўняць, у тым ліку ў АРІП, на любую суму ў любы час у залежнасці ад патрэбы ў званках. Для самастойнага правядзення плацяжу ў АРІП неабходна:
- Выбраць пункт «Сістэма «Разлік» (АРІП).
- Выбраць паслядоўна ўкладкі: «Інтэрнэт, тэлебачанне, тэлефанія» →«Белтэлекам»→Ваш рэгіён.
- Выбраць паслугу «ТСІС».
- Увесці нумар абаненцкага ці картачнага рахунку.
- Увесці суму плацяжу.
- Праверыць дакладнасць інфармацыі.
- Ажыццявіць плацёж.
Пры кожным папаўненні КС тэрмін дзеяння дагавора і карыстання паслугай аўтаматычна падаўжаецца на 2 гады.
Сэрвісныя тэлефонныя карты (СТК) валодаюць тымі ж магчымасцямі в частцы прадастаўлення паслуг тэлефоннай сувязі (мясцовай, міжгародняй, міжнароднай сувязі), што і КС, але маюць пэўны намінал і тэрмін дзеяння. Для зручнасці карыстання СТК выпускаюцца розных наміналаў: 2000, 4000, 8000, 16000, 30000 тарыфных адзінак.
Нават калі ў карыстальніка адсутнічаюць пры сабе карты (ЭПК, СТК, КС), ён можа ажыццявіць тэлефонную размову з неабходным абанентам, скарыстаўшыся з таксафона наступнымі паслугамі:
«Зручны званок з таксафона». Неабходна зняць трубку і набраць з таксафона нумар 8-11, дачакацца адказу аператара, назваць патрэбны нумар тэлефона (за выключэннем мабільных і міжнародных нумароў). Аператар злучыць карыстальніка з дадзеным нумарам пасля атрымання згоды выкліканага абанента аплаціць размову.
«Уваходная сувязь на таксафон». Для гэтага карыстальніку патрабуецца папярэдне паведаміць тэлефонны нумар таксафона, пазначаны на таблічцы таксафона, выклікаемаму абаненту і ў прызначаны час чакаць у таксафона яго званка (пералік таксафонаў, якія падтрымліваюць гэтую паслугу, размешчаны на сайце РУП «Белтэлекам»).
Звяртаем Вашу ўвагу, што ў выпадку неабходнасці з таксафонаў бясплатна выклікаюцца экстраныя службы 101, 102, 103, 104, 112 (для ажыццяўлення званка не патрабуюцца ЭПК, СТК, КС).
