З 1 верасня 2026 года «Белтэлекам» уносіць змяненні ва ўмовы прадастаўлення паслуг даведачна-інфармацыйных службаў, што зробіць іх больш зручнымі для карыстальнікаў.
Ключавыя новаўвядзенні накіраваны на пашырэнне функцыяналу адзінай даведачна-інфармацыйнай службы 109. У выніку мадэрнізацыі да базавага функцыяналу службы 109 дабавіцца магчымасць атрымліваць інфармацыю аб міжгародніх і міжнародных кодах, якая раней прадастаўлялася па нумары 153.
Цяпер за адзін зварот па нумары 109 абаненты змогуць атрымаць інфармацыю па адной з трох пазіцый:
- даведка аб нумары тэлефона адной фізічнай асобы;
- прадастаўленне да двух нумароў тэлефонаў у межах адной арганізацыі;
- даведка аб міжнародных і міжгародніх тэлефонных кодах, парадку набору, кодах мабільных аператараў Рэспублікі Беларусь, тарыфах на міжнародныя і міжгароднія размовы, розніцы ў часе з іншымі гарадамі і краінамі.
Інфармацыя аб нумарах кватэрных тэлефонаў і тэлефонаў арганізацый, раней даступная па нумары 190 (ГарІнфаСэрвіс), зараз таксама будзе прадастаўляцца праз службу 109.
Такім чынам, па нумары 109 будзе працаваць адзіная даведачна-інфармацыйная служба, нумары 153 і 190 закрываюцца з 1 верасня 2026 года.
Поўны спіс даведачна-інфармацыйных паслуг РУП «Белтэлекам» і актуальныя тарыфы даступныя на сайце www.beltelecom.by.