Спецыялісты Віцебскага філіяла РУП «Белтэлекам» правялі прэзентацыю паслуг для прадстаўнікоў устаноў адукацыі.
Знаёмства з тэлекамунікацыйнымі рашэннямі праходзіла ў сценах Віцебскага філіяла Беларускай дзяржаўнай акадэміі сувязі. Сустрэча аб'яднала больш за 20 удзельнікаў.
«Белтэлекам» увесь час укараняе новыя лічбавыя рашэнні і пашырае функцыянал сваіх паслуг. Аператар робіць стаўку на комплекснае абслугоўванне і гатовы рэалізаваць любы тэлекамунікацыйны праект пад ключ. Спецыялісты прадставілі агляд паслуг, якія могуць з поспехам прымяняцца ў сферы адукацыі. Сёння гэта не толькі высакахуткасны інтэрнэт і тэлебачанне, але і такія перспектыўныя праекты, як «Відэакантроль», «Разумны дом» і іншыя.
Рашэння «Белтэлекама» актуальныя, простыя і зручныя. Пільная ўвага надаецца сэрвісам для эфектыўнай арганізацыі працоўных працэсаў, павышэння камфорту і бяспекі. З улікам пажаданняў заказчыка могуць быць рэалізаваны розныя сцэнары іх выкарыстання. Напрыклад, з дапамогай паслугі «Відэакантроль» можна назіраць за пад'ездам або вучэбным корпусам, сачыць за парадкам на прылеглай тэрыторыі, паркоўцы і т.д. Кліент атрымлівае доступ да анлайн-відэа і архіва відэазапісаў за апошнія 30 сутак. Пры гэтым сеткі перадачы дадзеных і воблачнае сховішча надзейна абаронены.
Вялікую цікавасць выклікала дэманстрацыя магчымасцяў «Разумнага дома». Гэта комплекснае эканамічнае рашэнне для сучаснага офіса. Базавы камплект уключае абаненцкую прыладу (кантролер) і тры датчыка: задымленасці, руху і адкрыцця дзвярэй/вокнаў. Дадаткова можна падключыць відэакамеру, сірэну, разумную разетку, датчыкі працёку вады, тэмпературы і вільготнасці.
Калі заказчыку неабходныя адразу некалькі паслуг, «Белтэлекам» прапануе падключыць іх у адным пакеце - гэта выгадна і зручна.
- Праца з карпаратыўнымі кліентамі для нас - гэта індывідуальнае планаванне дзеянняў у дачыненні да кожнай арганізацыі. Мы ўважліва вывучаем усе пажаданні заказчыка, каб прапанаваць аптымальнае рашэнне на сённяшні дзень і ўлічыць будучыя патрэбы. Спадзяюся, што прэзентацыя была максімальна карыснай і інфарматыўнай для ўсіх удзельнікаў, - адзначыў начальнік камерцыйнай службы Віцебскага філіяла РУП «Белтэлекам» Дзмітрый Маладцоў.
