31 ліпеня ў «Белтэлекаме» стартаваў семінар для спецыялістаў і кіраўнікоў, якія ўваходзяць у перспектыўны кадравы рэзерв кампаніі. Маштабны праект пад назвай «Знак якасці сучаснага кіраўніка» аб'яднаў самых ініцыятыўных супрацоўнікаў з усіх рэгіёнаў краіны.
У мерапрыемстве прынялі ўдзел топ-менеджэры кампаніі на чале з генеральным дырэктарам Аляксеем Івашкіным.
– Падтрымка і развіццё нашых супрацоўнікаў – гэта інвеставанне ў будучыню прадпрыемства, – падкрэсліў генеральны дырэктар РУП «Белтэлекам» Аляксей Івашкін. – Сёння мы аб'ядналі тых спецыялістаў, якія праяўляюць лідэрскія якасці, паказваюць высокі вынік і займаюць актыўную жыццёвую пазіцыю. Ва ўмовах імклівага развіцця тэхналогій і інавацый мы робім стаўку на пастаяннае нарошчванне кампетэнцый і фарміраванне моцнай, прафесійнай каманды. Упэўнены, што такі падыход дазволіць нам матываваць супрацоўнікаў і працаваць яшчэ больш эфэктыўна.
Як размяркоўваць задачы і прымаць рашэнні, будаваць планы і дасягаць пастаўленых мэт? На гэтыя і іншыя пытанні кіраўнікі прадпрыемства адказалі на дыялогавай пляцоўцы за першы дзень семінара.
Мерапрыемства працягнецца на працягу трох дзён. Яго мэта –павысіць матывацыю і развіць кіраўнічыя якасці, якія дапамогуць забяспечыць прафесійны рост і асабістую эфектыўнасць. З удзельнікамі будуць працаваць вопытныя бізнес-трэнеры, педагогі-практыкі і псіхолагі. У праграме – майстар-класы, інтэрактыўныя лекцыі, трэнінгі па розных кірунках, уключаючы фарміраванне каманд, вырашэнне канфліктаў, правілы дзелавой камунікацыі і інш.
Жадаем удзельнікам прадуктыўнай працы і поспехаў у засваенні новых ведаў!
Больш навін і фота з семінара – у нашым тэлеграм-канале. Падпішыцеся, каб быць у курсе!
