8 студзеня 2024 года мабільны дадатак «Мой горад (Беларусь)» запрацаваў у Белаазёрску. Гэты горад стаў дванаццатым у Брэсцкай вобласці, які з'явіўся на платформе. Цяпер жыхары Белаазёрска змогуць карыстацца гарадскімі сэрвісамі непасрэдна са свайго смартфона.
«Мой горад» – гэта зручны інструмент узаемадзеяння карыстальнікаў з гарадской інфраструктурай. Тут сабрана самая патрэбная інфармацыя – ад падзей і навін да вакансій і скідак.
Выкарыстоўваючы дадатак, можна:
- запісацца на прыём у гарвыканкам і іншыя ўстановы;
- забраніраваць столік у рэстаране або нумар у гасцініцы;
- выклікаць аварыйную брыгаду, запланаваць візіт у салон прыгажосці, запісаць дзіця ў спартыўную секцыю;
- даведацца рэжым працы крам і кафэ і многае іншае.
Распрацоўка заклікана павысіць камфорт і якасць жыцця гараджан. Гэта зручны мабільны памочнік, які прадстаўляе ўсе паслугі горада і максімальную інфармацыю аб іх у адзін клік.
Дадатак «Мой горад (Беларусь)» даступны для запампоўкі ў App Store і Google Play. Спіс гарадоў, падключаных да платформы, прадстаўлены тут.
