Паважаныя калегі!
Прыміце сардэчныя віншаванні з Вялікім святам – 80-годдзем Перамогі савецкага народа ў Вялікай Айчыннай вайне.
9 Мая – святая дата, якая аб'ядноўвае пакаленні і нагадвае нам пра тое, якую цану прыйшлося заплаціць за мір і спакой на роднай зямлі.
Мы схіляемся перад ветэранамі Вялікай Айчыннай вайны, якія праявілі бяспрыкладную мужнасць і падарылі нам магчымасць жыць і працаваць пад мірным небам. Самаадданасць, доблесць і адвага старэйшага пакалення назаўжды застануцца для нас яскравым прыкладам сапраўднага патрыятызму і любові да сваёй Радзімы.
Мы будзем памятаць і свята шанаваць вялікі подзвіг тых, хто не вярнуўся з палёў бітваў. Наш абавязак – захаваць памяць аб героях і перадаць яе будучым пакаленням.
У гэты знамянальны дзень жадаю ўсім моцнага здароўя, сямейнага дабрабыту і мірнага неба над галавой! Шчасця, радасці і дабра вам і вашым родным!
З павагай, генеральны дырэктар РУП «Белтэлекам» Аляксей Івашкін
