10 мая, напярэдадні Дня Дзяржаўнага флага, Дзяржаўнага герба і Дзяржаўнага гімна Рэспублікі Беларусь, у Цэнтральным раёне г. Мінска ўрачыста адкрыта раённая дошка Гонару.
У ліку арганізацый, якія дасягнулі найлепшых вынікаў работы ў 2023 годзе, прадстаўлена і рэспубліканскае ўнітарнае прадпрыемства "Белтэлекам".
Калектывы найлепшых арганізацый Цэнтральнага раёна вітаў кіраўнік Адміністрацыі Мікалай Палякоў. Ва ўрачыстай абстаноўцы ён павіншаваў кожную кампанію і ўручыў кіраўнікам Ганаровыя граматы за значныя дасягненні.
- Занясенне "Белтэлекам" на дошку Гонару Цэнтральнага раёна сталіцы - гонар для нашага прадпрыемства, - адзначыў генеральны дырэктара РУП "Белтэлекам" Юрый Петручэня. - У цяперашніх няпростых умовах дасягненне высокіх эканамічных паказчыкаў з'яўляецца вынікам зладжанай працы ўсяго калектыву. Я выказваю падзяку кожнаму супрацоўніку за ўклад у наш агульны поспех!
РУП "Белтэлекам" неаднаразова было занесена на дошку Гонару Цэнтральнага раёна г. Мінска. Сёння прадпрыемства ўпэўнена займае лідзіруючыя пазіцыі на рынку традыцыйных паслуг сувязі, актыўна ўкараняючы інавацыйныя рашэнні ў новыя сферы. Развіццё розных праектаў, такіх як відэакантроль, электразаправачныя станцыі, мабільныя платформы, а таксама рознічныя рашэнні, дазваляе кампаніі ўмацоўваць свае пазіцыі і паспяхова інтэграваць найноўшыя тэхналогіі.
Падпісвайцеся на наш Тэлеграм-канал, каб быць у курсе ўсіх навін і абнаўленняў!
