Для папулярызацыі прафесій галіны "Сувязь" у Гомельскім філіяле працягваецца рэалізацыя адукацыйна-асветніцкага праекта "Прафарыентацыйныя экскурсіі-прафесіі нашых бацькоў". У рамках праекта філіял наведалі навучэнцы 10 класа сярэдняй школы 59 г.Гомеля.
Школьнікі наведалі гісторыка - інфармацыйны цэнтр сувязі Гомельскага філіяла, дзе прадстаўлены самы каштоўны экспанат-тэлеграфны апарат Морзэ, тэлефонныя апараты і іншая тэхніка. Работнікі філіяла распавялі гісторыю сувязі ў Гомельскай вобласці.
Навучэнцы ўбачылі і сучаснае абсталяванне, якое забяспечвае паслугамі сувязі Гомельскую вобласць (доступ у Інтэрнэт, тэлебачанне, Тэлефанія, іншыя сэрвісы).
У офісе продажаў школьнікаў азнаёмілі з паслугамі, сэрвісамі і тэхнікай у растэрміноўку ад кампаніі «Белтэлекам». Таксама дзеці паўдзельнічалі ў тэматычнай віктарыне па бяспецы ў сетцы Інтэрнэт.
Школьнікі атрымалі новыя веды аб прафесіях у галіне сувязі, пазітыўныя эмоцыі і прыемныя прызы ад кампаніі Белтэлекам.
